Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu

Ingeniaritzako astea

Apirilaren 25etik 27ra, ForoTech-Ingeniaritza eta Teknologiaren astea ospatuko dugu. Fakultatea aste berezi hori antolatzen ari da, DBH eta Batxilergoko ikasleek gure Ingeniaritzako graduak ezagutu ditzaten. Horretarako hainbat jarduera eta tailerretan parte hartzeko aukera eskaintzen dugu, era praktiko eta dinamikoan.

Apuntatu nahi? Hona hemen egun horietarako prestatu ditugun tailerren berri. Ez ahaztu tokia gordetzea. Horretarako, idatzi trastea@deusto.es helbidera. Eta bisitaldia osatu nahi baduzu, ordua eska dezakezu ForoTech erakusketaren bisitaldi gidatua egiteko. Aukera berezia izango duzu erakusgai dauden gailu teknologikoak miresteko eta kuxkuxeatzeko. Horien bitartez ikusiko duzu gure inguruko enpresen eta ikerketa erakundeen berritzeko gaitasuna.

Zalantzarik baduzu, jarri gurekin harremanetan. Idatzi informacion.ingenieria@deusto.es posta helbidera edo deitu 944 139 064 telefonora. Zain izango gaituzu!

 

Diseinatu zure aplikazio mugikorrak App Inventor-ekin

DBHko 2. mailatik aurrera.
60 min.
App Inventor-en tailerrean, Android mugikorretarako aplikazioak sortzeko modua izango dute ikasleek. Blokeetan oinarritutako ikusizko programazio inguruan (http://appinventor.mit.edu/explore/), bakoitzak bere aplikazio mugikorra diseinatu eta programatuko du.
Komeni da Gmail kontu bat izatea, programazioko plataformarako sarbidea izateko. Horrez gain, aukera dute haien gailu mugikorrak (Android) ekartzeko eta aplikazioa instalatzeko.

 

Kodetu-ren programazio erronkak

LHko 6. mailatik aurrera.
30 min.
Kodetuk gero eta zailtasun handiagoa duten ikusizko programazioko erronka batzuk planteatzen ditu, aurretiaz programatzen jakin beharrik izan gabe. Kodeturen lantegiak egokiak dira programazioari lehenengo aldiz aurre egiteko eta pentsamendu konputazionalera zentzumenak zabaltzeko.

 

Programatu eta diseinatu musika tresna bat Arduinorekin

DBHko 3. mailatik aurrera.
60 min.
Arduinoren tailerrean, ikasleek Arduinorekin sortutako gitarrako benetako aplikazio bat zelakoa den ikusiko dute. Musika tresna bat beren kabuz zelan egin ikasiko du, erraz-erraz, zenbait sentsore eta eragingailutatik eta Arduino plaka batetik abiatuta.

 

Diseinatu eta kontrolatu bideojokoa Scratch eta Makey Makey-rekin

LHko 6. mailatik aurrera.
60 min.
Eta plastilinaz egindako komando batekin bideojoko batean jolasten bagara? Scratch-en bitartez, Makey Makey batekin eta material eroaleekin kontrolatuko dugun bideojoko bat programatuko dugu.

 

Airblock – Dron programagarri eta modular tailerra (EZ DAGO TOKIRIK)

Batxilergoko ikasleentzat
60 min.
Tailer honetan, ikasleek dron bat programatzen eta maneiatzen ikasi ahal izango dute.

 

Misioa Marten tailerra (EZ DAGO TOKIRIK)

Batxilergoko ikasleentzat
120 min.
Konfiguratu astrobot bat! Tailer honek balio du ikasleek espazioan robot bat konfiguratzeko erabakiak hartzen ikasteko. Erabaki bakoitzak astrobotaren jardueran eragingo du, abiaduran, arrastatzeko indarrean eta maniobragarritasunean. Ikasleek konfiguraziorik egokiena aukeratu beharko dute proposatzen zaizkien hiru egoeretan.

 

Kustomizatu zure elastikoa ehunezko biniloekin

Lehen Hezkuntza, DBH eta Batxilergoko ikasleentzat (gehienez, 15 pertsona)
Eguna: apirilak 25
Saioak: 10:00, 10:30, 11:00, 11:30
Galdetu diozu zeure buruari inoiz zelan pertsonalizatzen diren elastikoak? Zeintzuk dira prozesu horretako erronkarik garrantzizkoenak? Ekarri zure elastikoa* eta elkarrekin kustomizatuko dugu gure tailerrean. Ehunak pertsonalizatzeko trikimailuak eta sekretuak ikasiko dituzu.
*NAHITAEZKOA: kotoizko eta kolore argiko elastikoa.

 

Puzzlea: Fabrikatu eta muntatu 3Dko zurezko eta metakrilatozko puzzle bat

Batxilergoko ikasleentzat (gehienez, 12-15 pertsona)
Eguna: apirilak 26
Saioak: 11:30, 12:00, 12:30
Ezagutu nahi duzu laserrez mozteko teknologia? Ezagutu nahi dituzu prozesu horrekin pertsonalizatzeak zer muga dituen? Nahi zenuke objektu bakarrak fabrikatzen parte hartu? Zatoz eta prozesu osoa erakutsiko dizugu, eta objektu dibertigarriak fabrikatuko ditugu.

 

Pertsonalizatu eta fabrikatu zure mugikorra/tableta

Batxilergoko ikasleentzat (gehienez, 12-15 pertsona)
Eguna: apirilak 27
Saioak: 11:30, 12:00, 12:30, 13:00
Ezagutu nahi duzu laserrez mozteko teknologia? Ezagutu nahi dituzu prozesu horrekin pertsonalizatzeak zer muga dituen? Nahi zenuke objektu bakarrak fabrikatzen parte hartu? Zatoz eta prozesu osoa erakutsiko dizugu, eta objektu dibertigarriak fabrikatuko ditugu.
 

 

*Tailer guztietarako eman behar da aurretiaz izena. Tokia gordetzeko, idatzi helbide honetara: trastea@deusto.es
 

 

ForoTech erakusketa

Lantegi batetik bestera bitartean, pasatu zaitez FOROTECH erakusketatik. Sarrera doakoa da, bide batez daukazu, eta gure inguruko enpresa eta ikerketako erakundeen berritzeko gaitasuna erakusten duten hogeitik gora erakusketa teknologiko ikusi eta kuxkuxeatzeko aukera paregabea edukiko duzu. 

Ordua hartzeko: 944 139 064

- Martxoak 9, asteazkena: 10:00 – 18:00
- Martxoak 10, osteguna: 10:00 – 18:00
- Martxoak 11, ostirala: 10:00 – 14:00

Tweets por @IngDeusto
Tweets por @MujerTekSpace