Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu

Erakusketa teknologikoa

Erakusketa teknologikoa

Paraninfoaren ondoko klaustroan, erakusketa teknologikoa egingo da martxoaren 24ean, 25ean eta 26an, 10:00etatik 18:00etara (asteazken eta ostegunean) eta 10:00etatik 14:00etara (ostiralean). Erakusketa dagoen tokitik edonor pasatu daiteke. Era guztietako hogei lagin teknologiko baino gehiago daude ikusgai, gure inguruko enpresek eta ikerketako erakundeek, ingeniaritzaz baliaturik, berrikuntza, balioa eta aberastasuna zelan lantzen duten erakusteko. Bisitaldi gidatuak, aurretiaz ordua eskatuta. 944 139 064

Espazioa nahibera bisitatu daiteke ordutegi honen barruan:

  • Martxoak 24, asteazkena: 10:00 – 18:00
  • Martxoak 25, osteguna: 10:00 – 18:00
  • Martxoak 26, ostirala: 10:00 – 14:00

Erakusketa teknologikoa ikusteko bisitaldi gidatuak: 1 ordu gutxi-gorabehera.
Ordua hartzeko, deitu hona: 944 139 064

 

Erakusketa 2018

TxikiTech

PROIEKTUA: Ingeniaritza umeentzat

TxikiTech: Ingeniaritza umeentzat berrikuntza eta garapeneko zentro bat da, teknologia berrietan hezteko. 2017-2018 ikasturtean, TxikiTech-en metodologia International Journal on Integrating Technology in Education teknologia berrien arloko hezkuntzarako nazioarteko aldizkarian argitaratu dute eta Zientzia arloko hezkuntzako ikuspegi berriei buruzko nazioarteko konferentzian ere aurkeztu da. Teknologia akademiko berrietatik eta ikastetxean jasotzen diren jakintzetatik abiatuta, TxikiTech-ek diseinuaren ingeniaritzan oinarritutako hezkuntza eredu bat garatu du. Gure helburu nagusia umearen sormena indartzea da, ikastetxean eta TxikiTech-en ikasitako kontzeptu teorikoak aplikatuz, “proiektuetan” eta STEAMen oinarritutako ikaskuntzaren bidez.

 

Deusto Tech

PROIEKTUA: DYCON

Proiektu honek ekarpen berritzailea egin nahi du Ekuazio Diferentzial Partzialen Kontroleko arlo zabalean eta hurbilketa numerikoko metodoetan, bizitza errealeko aplikazioetan sistematikoki agertzen diren funtsezko arazoak aztertuz. Ekuazio Diferentzial Partzialen esparruak, hurbilketa numerikoaren eta simulazio metodo eta kontroleko teoriarekin batera, bilakaera nabarmena izan du azken hamarkadetan ernalketa gurutzatuko prozesuan, aplikazio industrial eta diziplina artekoen eskaerak jorratzeko: baliabide naturalen kudeaketa, meteorologia, aeronautika, petrolio industria, biomedikuntza, taldeko giza eta animalia jokabidea, etab. Ahalegin horiek gorabehera, funtsezko kontu batzuk oraindik konpondu gabe jarraitzen dute, ulermen analitikoa falta delako, soluzio numeriko eraginkorrik ez dagoelako edo biak batera falta direlako. Horretarako, hiru helburu lortu nahi ditugu: a) Funtsezko metodo teoriko eta emaitza berrien ekarpena egin nahi dugu, b) dagokien tresna numerikoak garatu, eta c) software konputazional berria garatu, DYCON-COMP plataforma konputazionala, etena aplikazioekin hertsiz.

PROIEKTUA: PostLowCit

Proiektuaren helburu nagusia da Correosentzat merkantziak entregatzeko sistema efiziente eta jasangarria lortzea da, energia alternatiboak erabiltzen dituzten ibilgailuak erabiliz eta hiri barruko eta herrien arteko banaketa-sarea optimizatuz. Horretarako, Deustun eskala handiko kudeaketa eta bisualizazio plataforma batek kudeatu eta irtenbidea emango die logistika sarearen banaketako ibilgailuek egunero egiten dituzten milaka joan-etorriei, denbora errealean ibilbidea optimizatzeko berariazko gailu bat txertatuta. Plataforma horren zeregina izango da postariei entregatu beharreko pakete guztiak eta eskuragarri dauden ibilgailuak esleitzea. Hasieratik emango zaizkie banaketako ibilbideak eta banaketarako ordenarik egokiena; denbora eta distantziako murrizketa batzuk bete beharko dituzte eta pertsona, ibilgailu eta guneko bidalketa kopurua orekatua bermatuko da. Bestalde, operaziorako tresna lagungarri batzuk diseinatu eta ezarri dira, sisteman alta emateko operazioak, helbideak normalizatzea eta txanda bakoitzean entregatu beharreko pakete guztien sailkapena errazteko. Gaur egun, lan hori banaka eta eskuz egiten da.

PROIEKTUA: SMIWORK

Ispilu adimendun edo Smart Mirror delakoak ohiko ispiluak gailu interaktibo bihurtzetik sortzen dira. Adibide horrekin ikusten da egunero erabiltzen ditugun objektuak zelan bihurtu ditzakegun elementu teknologiko lagungarri. Premisa hori aplikatuta, “SmiWork: An Interactive Smart Mirror Platform for Workplace Health Promotion” proiektuaren helburua da osasuna eta ongizatea sustatzearen kontzeptua eguneroko laneko ohituran txertatzea, bizi-estilo osasungarriagoak sustatuz euskarri interaktibo berrien bitartez.
Funtzionalitate nagusia (norbere burua islatuta ikustea) mantenduta, ispiluaren azalera azken erabiltzailearentzako informazio interesgarria (oro har osasunari buruzkoa eta egunean egindako jarduera fisikoari buruzkoa) bistaratzeko bitarteko ezin hobe bihurtzen da. Ispilu adimendunak bana-banako jarraipena egiten du era intuitiboan, erabiltzaile profilen bidez. Profil horietarako sarbidea laneko nortasun txartelarekin egiten da. Horrez gain, interakzio multimodala egiten da, eskatzen diren ekintzak ahotsaren bidez kontrolatuz. Laburbilduz, proiektu horrekin erakusten dugu eguneroko ekintza errotu bat (geure buruaren isla ikustea) osasunaren inguruan kontzientziatzea indartzeko bitarteko bihurtu daitekeela.

 

Edurobotic

PROIEKTUA: Hezkuntzako programazioa eta robotika ikasleentzat

Edurobotic STEAM eta teknologia arloko irakaskuntzan espezializatutako proiektu bat da. Hezkuntzak robotika hartzen du ardatz, hezkuntzaren bidez, oztopoak hautsi ditzakeen tresna bat. Programazioaren irakaskuntza sustatzen dugu, XXI. mendeko hizkuntzarena; bokazio zientifiko eta teknologikoak nesken artean sustatzen laguntzen dugu; talde-lanaren, lankidetzaren, berrikuntzaren, inklusioaren, jakin-min intelektualaren eta ikastegatiko pasioaren zabalkundea egiten dugu ikasleen artean.

 

Deusto FabLab

PROIEKTUA: Deusto FabLab

Deusto FabLab sormen, berrikuntza eta produktu, zerbitzu eta esperientzia berrien garapenerako zentro bat da, Deustuko Unibertsitateko Ingeniaritza Fakultatearen barrukoa eta Industria Diseinuko Ingeniaritzako graduari estuki lotuta dagoena.
Fabrikazio digitaleko eta objektuak ekoizteko teknologietako fabrikazioko eta berrikuntzako 1.200 laborategik baino gehiagok osatzen duten mundu mailako sare batean sartuta dago Deusto FabLab. MIT –Massachusetts Institute of Technology– erakundearen proiektu gisa hasi ziren eta, gaur egun, ekoizteko modu berri bati buruz ikertzen duen pertsonen mundu mailako sare bihurtu da, diseinu, arkitektura, ingeniaritza, industria eta gizarte berrikuntzaren mundu profesionalari maila guztietan eragiten diona.

Deusto FabLab ikerketaren bultzatzaile da, teknologia berriak praktikan jartzeko motor eta ideia berriak eta lan-eredu berriak garatzeko.

 

KID’s KitCar, Greenpower Iberia

PROIEKTUA: Ingeniari gazteentzako proiektua

Maker, DIY tekniketan oinarritutako STEAMen hezkuntza EZ formaleko metodologia da. Gazteenek hauek ikasi ahal izango dituzte: proiektuen kudeaketa, finantzen kudeaketa, talde-lana, sormena eta diseinua, katalizatzaile teknologiko indartsu bat dutenak.

 

The Wearable Factory Project

PROIEKTUA: The Wearable Factory Project

Arropa adimendunaren 6 prototipo dira, diziplina ugariko proiektu batean sortuak. Hiru unibertsitate elkartu dira (CESINE, U.PV eta DEUSTU), itxura batean elkarrekin loturarik ez dutenak, arropa kognitiboak sortzeko. Proiektu hau IBMri eta “IBM Watson” Adimen artifizialeko programari loturik egin ahal izanda da.

Arropa guztia dago Internetera eta adimen artifizialera konektatuta. Trebakuntza eta programazioaren bidez lortzen da arropen kognizioa; eta arropa horiek inguruarekin elkarreraginean aritu daitezke.

 

Camp Teknologikoa

PROIEKTUA: Dobot (4.0 Industria)

Dobota all-in-one beso robotiko bat da Kit-ak datoz (buruak), beharrizanen arabera aldatzeko: pintza, boligrafo euskailua, 3Dko inprimagailua, , grabagailu laserra, 3Dn inprimatutako beste buru batzuk... Beste kit batzuk ere baditu: joan-etorrietarako erraila, garraiatzeko zinta, eta objektuak ezagutzeko irudiaren tratamendua. Dobot-a kontrolatzeko PCa, mugikorra, keinuak, programazioa eta bestelakoak erabil daitezke. Software bat du eta bertan integratu ditzakezu ezaugarri berriak dauzkanez gain: Blocky edo Phyton-ekin programatzen da.

 

Technoshop

PROIEKTUA: Technoshop

Technoshop 2018 Bilbao Ekintzaren eta Deustuko Unibertsitateko Ingeniaritza Fakultatearen ekimena da, erakusleiho interaktiboak garatzeko eta teknologia berriak Bilboko 24 merkatariri hurbiltzeko. TechnoShop proiektuak sormen industriak bultzatu nahi ditu. Horretarako, Industria Diseinuko Ingeniaritzako graduko ikasle eta irakasle talde baten laguntza izan dugu. Zenbait hilabete eman dituzte diseinu kontzeptuak eta teknologia berriak garatzen. Hori guztia Deusto Fablab-eko fabrikazio digitaleko ekipamenduarekin gauzatuko da.

 

Deusto Moto Team

PROIEKTUA: Deusto Moto Team

Deusto Moto Team edo DMT Deustuko Unibertsitateko proiektu bat da, ingeniaritzako hainbat arlo bilduta, motozikleta adimendun bat sortzeko eta Smart Moto Challenge txapelketan lehiatzeko. Taldeko kideek –maila guztietako ikasleak eta ingeniaritzako hainbat arlotakoak– motor elektriko bat diseinatu eta atalak muntatzeko lanean aritzen gara. Oinarrizko eskakizunak hauek dira: bidetik ibiltzeko modukoa izatea, seriean ekoizteko ekonomikoki bideragarria izatea, eta Smart garapena izatea.

 

CreativiTIC

PROIEKTUA: Stories of Tomorrow

Augmented Class! errealitate areagotuan edukiak eta interakzioak sortzeko eta ikusteko soluzio bat da, hezkuntzarako sortua. Orain arte errealitate areagotua klasean erabili nahi izanez gero, neurrira garatu behar genituen edukiak, eskura genituen soluzioak espezifikotasunik ez zutelako, ez dauden hezkuntza inguruan prestatuta edo sortuta, eta ez zegoen ezagutza teknikorik ez duten erabiltzaileentzat egokituta. Augmented Class!-ek hutsune hori betetzen du eta edukiak eta interakzioak sortzeko aukera ematen du errealitate areagotuan, interfaze erraz eta atsegin baten bidez, ezagutza teknikorik izan barik eta erabiltzaileei, hezitzaile eta umeei, eduki berritzaileak sortzeko aukera emanik, gela barruan eta kanpoan, ahaleginik eta ikaskuntza kurbarik gabe.

 

MujerTekSpace

PROIEKTUA: Erakusketa

MujerTekSpace proiektua zabalkunde eta komunikazioko proiektua da, Zientzia eta Teknologia era pedagogiko, dibulgatibo eta erakargarrian gizartera hurbiltzeko, bereziki neska gazte eta emakumeei. Ezagutza partekatu eta azken mendeetan emakume zientzialari eta teknologoek egin duten lanaren aitormena sustatzea lortu nahi dugu, baita gure orainaren protagonista direnena eta etorkizunean izango direnena ere. Era berean zientziarako bokazioak sustatu eta indartu nahi ditugu helburu ditugun pertsonen artean, bereziki neska gazteen artean, sentsibilizazio, informazio, sare, prestakuntza, sustapen eta talentua erakartzeko ekimenen bidez. Ekimenak Deustuko Unibertsitateko Gender Team Diziplina arteko Ikertaldearen babesa ere badu.

 

Deustuko Ingeniaritza

PROIEKTUA: Titulazioen proposamena

Deustuko Unibertsitatearen Ingeniaritza Fakultateak 40 urte baino gehiago daramatza ingeniaritzaren hainbat esparrutan profesional arrakastatsuak prestatzen. Horretarako, Teknologia Digitaleko eta Industriako arloetan banatutako titulazioen proposamena du. 7 gradu, 5 gradu bikoitz eta 8 unibertsitate master eskaintzen ditu Fakultateak, ikasketa berritzaileak eta gizarteko eta lanbideko errealitatera egokituak. Aurten, nobedadeen artean, 4.0 industriara bideratutako titulazio berriak ditugu, Industria Digitaleko gradu duala, besteak beste. Prestakuntza duala masterretara ere heldu da: hor dugu Automozioko Diseinu eta Fabrikazioko Unibertsitate Masterra. ForoTech-eko haien standean jasoko duzu prestakuntza eskaintzaren berri, baita hezkuntzako lankidetzako programaren berri ere.