Industria Antolaketako sakontze ibilbidea eginez gero, aukera dago titulazio bikoitza lortzeko 30 ECTS gehiago eginda.

Kredituen aitorpena dela eta, bi unibertsitate master lortu ahal izango dituzu bi ikasturte akademikotan: Industria Ingeniaritzako Unibertsitate Masterra + Industri Antolaketako Ingeniaritzako Unibertsitate Masterra.

Industri Antolaketako Ingeniaritzako Unibertsitate Masterrean industria prozesu eta antolaketen kudeaketa aurreratua egiteko gai diren profesionalak prestatzen dira, beren lehiakortasuna hobetzeko eta, ikuspegi integraletik, partaide sozialentzako balioa sortzeko. Goi mailako prestakuntza eskaintzen du enpresen administrazioan, produkzioaren antolaketan, logistikan eta informazio sistemetan.

Industria Ingeniaritzako Masterraren Irakasgai osagarriak, gainditu beharrekoak Industria Antolaketako Ingeniaritzako Master titulua lortzeko

Informazio zehatzagoa nahi baduzu edo aholkularitza behar baduzu Industria Ingeniaritzako Unibertsitate Masterra + Industri Antolaketako Ingeniaritzako Unibertsitate Masterra programa bikoitzari buruz idatzi postgrado.ingenieria@deusto.es helbidera edo deitu 944 139 208 telefonora.

Automozio Ingeniaritzako sakontze ibilbidea eginez gero, aukera dago titulazio bikoitza lortzeko 12 ECTS gehiago eginda.

Bi ikasturtetan lor dezakezu Industria Ingeniaritzako Unibertsitate Masterra + Automozioko Ingeniaritzako Espezializazio Diploma.

Automozioko Ingeniaritzako Espezializazio Diplomak automozioko espezialistak prestatzen ditu, kudeaketa eta automozioko industriaren inguru produktiboa menperatuko dutenak, eta ibilgailuen eta sistemen jokaera dinamikoa aztertzeko gai direnak.

Diploma honek aukera ematen du curriculumetik kanpoko praktikak egiteko Automozio sektoreko enpresa batean, eta praktikak egiten aldez aurretik hasiz gero eta proiektua egin behar izanez gero, Industria Ingeniaritzako Master Amaierako Proiektua praktika horien testuinguruan egin ahal izango da. Bestela, Master Amaierako Proiektua testuinguru akademikoan egingo da.

Baldintza batzuen arabera (Automozioko Ingeniaritzako Espezializazio Diplomaren web orria kontsultatu), nazioarteko eta estatuko programetan aplikatu ahal izango da, praktikak egiteko.